7. nóvember 2014

Sjálfbærni og vísindi

Leikskólinn minn er þátttakandi í þróunarverkefni undir yfirskriftinni Sjálfbærni og vísindi. Verkefnið er samvinnuverkefni nítján leikskóla í Kópavogi og hefur að markmiði m.a. að:
  • auka áhuga og skilning leikskólabarna á sjálfbærni, í hverju hún felst og hvernig þau geti átt þátt í eða haft áhrif á að bæta það umhverfi sem þau búa í.
  • efla forvitni og áhuga á töfraheimi vísindanna og því sem leynist í eiginleikum ýmissa efna og hluta.
  • auka hæfni og þekkingu starfsmanna á viðfangsefninu og styrkja þá í starfi sínu með börnunum.
Ákveðið var að leggja megin áherslu á Moltuna, en leikskólinn hefur um árabil moltað allan lífrænan úrgang.
Í síðustu viku byrjuðum við á tilraun með það hvaða efni er lífrænt og hvað er ólífrænt. Elstu börnin létu mismunndi efnivið saman á streng, plast, pappír, ál, ávexti, bæði banana og epli og svo gler. Þessu næst grófu þau allt saman niður í mold og þar eiga hlutirnir að vera þar til í apríl að þau ætla að moka þá upp og skoða hvað efni eru lífræn og hafa þá væntanlega eyðst í moldinni og hvaða efni eru það ekki og eyðast ekki á þessum mánuðum sem líða.


Yngstu börnin í leikskólanum gerðu sambærilega tilraun einnig, en þau létu á spítu bleiu, plastlok, epli, állok og klósettrúllu. Síðan ætla þau að grafa spýtuna aftur upp næsta vor og sjá hvað hefur gerst.


3. nóvember 2014

Bloggað að nýju

Ég er að taka þátt í vefnámskeiði þennan mánuðinn og þess vegna byrja ég aftur að blogga. Það er semsagt eitt af verkefnum námskeiðsins. Það tók mig smá stund að finna þetta blogg. Ég hélt reyndar að það væri löngu búið að loka því. Námskeiðið er MOOC námskeið og hér má sjá upplýsingar um það.

This course is as much about exploring and experimenting with the presented mobile apps as much as it is about finding your own apps and sharing those resources with others. It is imperative that you review the syllabus for the course so that you know what is expected of you.

Participants are strongly encouraged to utilize the Open Forum (located in the Discussion area of the course, which can be accessed by clicking "Discussions" in the menu above) to share resources and apps that they have found that may be beneficial to others. There is a tremendous opportunity with this class to share ideas, resources, and experiences with a wide audience. As the course is offered again and again, the content of the course will be revised based on new apps being released and feedback from participants so the material stays fresh. If participants grant permission to Wilkes, a collection of lessons will be posted that everyone could use even after the course is over.

Here is a great overview of what a MOOC is, and I think it would be helpful for you to watch it to get a feel for the difference between an online course and a MOOC. I know it helped me figure out the difference!



Objectives

Upon completion of the course, students will be able to: identify some of ways mobile technologies can be used in the classroom. utilize mobile apps with teachers and students for teaching, collaboration, and assessment understand how mobile apps can be used to address the Common Core Standards. propose suggestions as to how this new technology might be used in their own classrooms.

Watch these video about the transformation of the "backpack" with mobile devices so you can "imagine the possibilities"!

3. júní 2007

A genius

Ég tók greindarpróf á netinu og stóð mig þokkalega. Í heildina er greindarvísitala mín 149 IQ.

Your General IQ Score of 149 shows how able your mind is in general. Anyone with a General IQ Score this high is considered to be a genius. This score is better than 99.95% of all persons taking this test. All known occupations can be comprehended with a General IQ this high. You should be able to handle any academic challenges.

Endilega prufið að taka þátt, bara gaman að þessu.

13. mars 2006

Hreyfimyndagerð


IMG_0122
Originally uploaded by Myndasida Fjolu.
Í staðbundnu lotunni fengum við að fara í heimsókn í Langholtsskóla. Þar kynntum við okkur hreyfimyndagerð (animation). Ég er staðráðin í því að prufa að vinna slíkt með elstu börnunum í leikskólunum mínum. Á myndinni sést að það þarf ekki mjög flókinn búnað til þess að taka upp slíkar hreyfimyndir.

19. desember 2005

Podcasting - talmál á netinu

ODEO er vefbundin þjónusta sem gerir öllum sem áhuga hafa kleift að hlusta á, gerast áskrifendur að, taka upp og gera aðgengilegt hvers kyns hljóðefni á Netinu án endurgjalds. ODEO er án efa einfaldasta leiðin til þess að búa til og dreifa stafrænu hljóðefni á Netinu, þ.e. svo kölluðu "podcasting".
Ég mátti til með að prufa þetta nýja fyrirbæri. Hægt er að nálgast upptökurnar mínar hér.

13. desember 2005

Borðstofa námsmannsins

Frelsið er yndislegt, ég vil gera það sem ég vil. Svona leit borðstofan út þegar ég kom heim í gær, tíbilcal námsmannastofa. Núna er ég sem sagt komin í jólafrí í skólanum. Enginn skóli fyrr en um miðjan janúar, það verður frábært. Ég ætla ekki aftur að taka svo margar einingar í einu. Það var bara rugl og hættir að vera gaman að læra. Eftir áramót fer ég í skemmtilegan áfanga sem heitir Margmiðlun til náms og kennslu. Þá erum við að læra á ýmis forrit og það finnst mér svo gaman. Í júní ætla ég svo að láta útskrifa mig það verður líka gaman. Ég skálaði við Ásdísi í gærkvöldi, nú er hún búin í skólanum á bara eftir að útskrifast í júní. Það styttist í að við förum til Frakklands, var að segja við krakkana að nú þyrftum við að fara að þvo og svona... Það hefur allt setið á hakanum vegna náms og vinnu. Nú verður breyting þar á. Gaman að lifa.


bordstofa namsmannsins
Originally uploaded by Myndasida Fjolu.

25. nóvember 2005

Námskeið

Ég fór á skemmtilegt námskeið í gær. Það var afmæli Tölvumiðstöðvar fatlaðra. Þar voru nokkur stutt erindi flutt og hvert öðru skemmilegra. Það sem vakti hvað mest athygli mína var hvað tölvutæknin er að koma að góðum notum fyrir fatlaða. Mjög margir hreyfihamlaðir, blindir og fólk sem býr við margskonar fatlanir hafa rofið einangrun sína með tölvutækninni. Ég var sérstaklega hrifin af manni sem heitir Hallgrímur Eymundsson. Hann sagði frá því hvað tölvutæknin skiptir miklu máli fyrir hann í daglegu lífi. Hann á m.a. bíl sem er algerlega tölvustýrður. Alveg frábært að sjá stjórnborðið í bílnum. Hann stjórnar tölvunni sinni m.a. með GSM símanum sínum. Þarna voru líka þroskaþjálfar úr Ölduselsskóla sem eru greinilega að gera mjög góða hluti með tveimur mikið hreyfihömluðum nemendum.
Eftir námskeiðið fór ég svo á fund leikskólasérkennara. Þar var m.a. til umfjöllunar tillögur vinnuhóps sem skipaður var á fundi s.l. vor. Gott starf sem nefndin vann og góðar tillögur að úrbótum sem þær leggja fram. Vonandi að þær verði kynntar sem víðast.
Af náminu er það að frétta að ég er að leggja lokahönd á verkefnin á tveimur námskeiðum og byrja að lesa undir próf á einu. Það skal alltaf vera jafnmikið að gera á þessum árstíma í náminu. Annað í lífinu gengur sinn vana gang. Allir eru hraustir og við hér heima farin að telja niður dagana þar til við förum til Frakklands. Það sama gerir Hrafn hinum megin við hafið.

16. nóvember 2005

Staðbundin lota

Þá er ég enn og aftur í skólanum. Núna er staðbundin lota í aðferðafræðinni. Það er ekki sem verst, enda er þetta alveg að verða búið. Styttist í prófið og bara eftir að skila einu verkefni næsta þriðjudag. Það er alveg ótrúlega erfitt að sitja kyrr svona lengi í einu, en það hefst. Í dag er dagur íslenskrar tungu. Ég og Jónas fæddumst þennan dag svo það er um að gera að halda upp á hann. Ég fékk tíma í nuddi í afmælisgjöf frá fjölskyldunni, skilaboð um að ég þurfi að slaka meira á. Ég er að hugsa um að panta mér nudd daginn fyrir aðferðarprófið, held að þá verði helst þörf á slökun. Það er alveg ótrúlega gaman á námskeiðinu Tölvur með fötluðum. Við erum að fá svo mikið af upplýsingum um hin og þessi forrit sem koma að góðum notum í kennslunni. Ekki grunaði mig að til væri svo mikið af ókeypist kennsluefni á veraldarvefnum.
Flensa hefur annars verið á bænum, við höfum öll veikst af henni, ekki gott. Ágætt samt að vera búin að afgreiða þann pakka, vonandi verðum við þá öll hress þegar við förum í ferðalagið. Ég virðist ætla að vera á faraldsfæti á næsta ári. Fer til Frakklands í desember, London í janúar og Prag í apríl, Spánar í maí-júní og svo líklegast til USA í október.

22. október 2005

Nám og nám

Það er fylgni á milli fjölda blogga og afkasta í námi þessa vikuna. Þ.e.a.s. mikið að læra minni tími til að blogga. Svona tala ég orðið dags daglega, er ekki sagt að þekking festist í minni með því að á hana sé reynt. Aðferðafræðin er töff, ég er að reyna að vera í Pollýönuleik og líta á björtu hliðarnar. Ég var t.d. sett í hópavinnu þessa vikuna og þegar á reyndi vorum við tvær eftir í hópnum. Hópavinnan varð því einstaklega auðveld við Gréta Mjöll köstuðum á milli okkar umsögn um rannsóknargrein og hiss-bang verkefnið varð til á met tíma. Svo eigum við að tala viðtal og það verður ekki vandamál að finna einhvern til þess að tala við sig.
Verkefnin á námskeiðinu Tölvur með fötluðum verða til samhliða vafri á netinu. Við erum að fá aðgang hjá kennaranum að ýmsu áhugaverðu efni. Eins og vanalega "dett ég í það" á netinu. Þannig verður til samsafn af mörgum krækjum sem við erum að skoða. Alveg ótrúlegt hvað það er til mikið af efni á þessum veraldarvef.
Af öðru er allt gott að frétta. Við njótum þess að halda okkur innan dyra í skammdeginu. Kúrum upp í sófa eða sláumst um tölvuna. Það hefur verið gestkvæmt hjá okkur undanfarið og er það fínt. Allt gengur vel hjá Hrafni í Frans, hann er farinn að hlakka til að hitta mömmu í desember. Skrítið hvað fjarlægðin gerir alltaf fjöllin blá. Annars er hann á skypinu alla daga svo við spjöllum að ég held meira núna en þegar hann er heima.

12. september 2005

Staðbundin lota

Í dag var ég í skólanum. Staðbundin lota í aðferðafræði. Svakalega verður maður þreyttur á því að sitja svona allan daginn. Ég er óvön því að sitja kyrr í langan tíma, er vön að vera á ferðinni. Við lærðum eitt og annað um eigindlegar rannsóknir. Nú liggur fyrir að læra heima fyrir morgundaginn bara lesa nokkra kafla. Líst annars bara nokkuð vel á þetta, ekki eins leiðinlegt og ég hélt.

8. september 2005

Haustnámskeiðin að byrja

Þá eru námskeiðin að byrja eitt af öðru. Námskeiðið hjá Sólveigu byrjað og námskeiðið hjá S.Fjalari byrjar á mánudag. Þann sama dag fer ég í fyrstu staðbundnu lotuna í Aðferðafræðinni. Ég er nú farin að hallast að því að það námskeið sé ekki fjarnámskeið heldur staðbundið nám. Allavega er lítið að græða á því sem komið er og svo eru 2-3 dagar í mánuði staðbundnar lotur. Verst að það stangast á loturnar í Tölvur með fötluðum og svo Aðferðafræðin. Frábær þjónusta sem ég fékk hjá Bókasafni Kópavogs. Ég fór þangað til þess að athuga með bækur um aðferðafræði. Það voru engar til, en starfsfólkið bauðst til að kaupa bækur. Svo í gær fékk ég tölvupóst frá þeim, bækurnar komnar. Frábært!!! þetta kalla ég góða þjónustu.
Ég er nú svolítið farin að bíða eftir niðurstöðum úr námskeiðunum í sumar, veit ekki hvenær við fáum þær.
Ég var að skoða mig um á heimasíðu BETT og mig langar svakalega að fara á þessa sýningu, ef það er einhver þarna úti sem vill styrkja mig til fararinnar þá er ég til í að þyggja það.

8. júní 2005

Á Spáni

Nú eru vid Linda, Sólveig og ég komin á áfangastad. Rádstefnan hófs í gaer og vid byrjadar ad medtaka UT upplýsingar frá hinum og tessum stodum í veroldinni. Dagskráin er rosalega tétt. Vid erum á alveg ágaetu hóteli og lídur vel. Tad er alveg rosalega heitt fer yfir 40 stig á daginn og nidur í 37 seint á kvoldin. Í morgun hlustudum vid á fólk skýra frá mimunandi leidum sem farnar eru í dreifnámi. Svo sem ekkert nýtt sem vid hofum heyrt, Spánverjar eru ekki komnir jafn langt í taekninni og vid Íslendingar. Teir eru líka svolítid ad reyna ad finna hjólid upp aftur. Á morgun eigum vid ad flytja okkar erindi kl 19.15 vonandi verdur einhver enn til tess ad hlusta á okkur.
Kaer kvedja frá Spáni.

2. júní 2005

Skóladagar

Í dag og á morgun verð ég í staðbundnum lotum í KHÍ. Í dag var það menntun, miðlun, samfélag og á morgun fjarnám og kennsla. Ég verð alltaf svo þreytt að sitja svona kyrr lengi í einu, er óvön því, í vinnunni er enginn tími til að sitja. Við vorum að ræða mikið um væntanleg verkefni og fleira áhugavert varðandi miðlun. Við vorum í síðustu viku að vinna að miðlunarverkefni í leikskólanum Furugrund. Börnin voru búin að búa til tröllasögur í vetur í þemavinnu. Með minni aðstoð settu þau sögurnar út á veraldarvefinn. Þetta var alveg nýtt og mjög spennandi fyrir þau. Í fyrstu voru þau sum hrædd um að tölvan myndi gleypa myndina og ekki skila henni aftur. Þeim fannst líka rosalega spennandi að tala í hljóðnema. Þau voru mjög áhugasöm og forvitin um hvernig virkilega sagan gæti verið í tölvunni og allir í heiminum gæti skoðað. Kallaði það á mikla umræðu um veraldarvefinn. Sum þeirra voru að heyra um veraldarvefinn í fyrsta sinn, héldu að það væri ekki hægt að hafa það sama í tölvunni í leikskólanum og heima.

28. maí 2005

Þetta er helst í fréttum

Nú er ég bara orðin löt að blogga, námskeiðinu lokið hjá Salvöru og þess vegna kannski hef ég slakað á í þessu bloggi. Stundum á maður í vandræðum með að ákveða hvað maður ætti að skrifa, finnst ekkert sérstakt í fréttum, eða eru dagleg störf manns eitthvað fréttnæm. Kannski á maður ekkert að vera að spá í það, bara segja fá einhverju sem manni finnst áhugavert. Ég held samt að í upphafi hafi ég ætlað þetta blogg til þess að skrásetja það sem ég er að fást við í náminu hverju sinni, kannski best að halda sig við það. Þessa dagana er ég að ná áttum á nýjum námskeiðum. Á námskeiðinu hjá Stefáni Jökulssyni, Menntun, miðlun og samfélag höfum við Ásdís ákveðið að vinna saman. Við ætlum að spá í stelpur og blogg. Við höfum svolítið verið að spá í kúltúrinn sem er þarna að baki. Við höfum komist að því að sennilega verður erfiðast að takmarka sig efnislega. Svo er námskeiðið hjá Sólveigu Fjarnám og kennsla. Það er ekki slegið af kröfum á því námskeiði og best að hafa sig alla við svo vel gangi. Ég var búin að hugsa upp verkefni á því námskeiði, en svo gekk það ekki upp. Ég hef núna hugmynd um að gera heimasíðu málþings/ráðstefnu sem stefnt er að því að halda í haust í tengslum við námskeiðið. Sýnist að Ella Jóna vilji vera með í því verkefni og það er frábært. Svo er það þriðja námskeiðið Vettvangsnám. Við erum búin að vera að vinna úr niðurstöðum fyrir "Netnot" sem nemarnir söfnuðu í síðasta námskeiði NKN. Síðan förum við til Spánar 6. júní á ráðstefnuna 3rd International Conference on Multimedia and ICTs in Education. Þar verður margt áhugavert í boði og hlakka ég mikið til. Hér á heimavígstöðum er svo allt í besta gengi. Það fækkar á heimilinu eins og alltaf á sumrin. Drengirnir farnir út á land í vinnu og stutt í að heimasætan fari í tónleikaferð um Norðurlönd. Við verðum að öllum líkindum mikið tvö heima í sumar, skrítið hvað manni finnst allt breytast um leið og það fækkar. Í gær fannst mér það varla taka því að vera að elda mat það voru svo fáir til þess að borða hann. Núna verður að safna í þvottavél í stað þess að útúr fljóti í þvottahúsinu. Er það ekki skrítið þetta líf.

18. maí 2005

Vordagar

Það er svo sem ekki mörg afrek framin á sviði námsins þessa dagana. Ég er ekki alveg að fatta þennan nýja kennara sem segist ætla að hvíla sig á WebCT, en bíður svo ekkert í staðinn. Á meðan er maður auðvitað ekki að nýta tímann í spjall um viðfangsefni eins og ætti að gera. Ég hef svolítið verið að lesa mér til um ungt fólk og miðla, en á svakalega erfitt með að ná landfestu í því viðfangsefni. Vefirnir sem bent var á eru mjög afvegaleiðandi fyrir mig. Ég er kominn út um víðan völl um leið og ég opna inn á vefina og svo er liðinn langur tími án þess að ég hafi í raun verið að gera neitt að viti. Ég hef haft nóg að gera í vinnunni í staðinn. Ákvað að gera fleiri myndasögur, finnst það orðið alveg rosalega gaman. Núna var það útskrifarferð elstu barnanna í Furugrund. Ferðin var alveg einstaklega vel heppnuð í alla staði. Ég tók eftir því þegar ég leit í spegil í kvöld að ég er orðin nokkuð brún í andliti, sem segir manni að það er svona nokkurn veginn komið vor, jafnvel sumar. Það eru auðvitað forréttindi að vinna í leikskóla og hafa möguleika á allri þessari útiveru, vafstur við kulda- og pollagalla um veturinn gleymst fljótt í svona góðu veðri.

10. maí 2005

Námið hafið að nýju

Þetta var nú ekki eins löng pása frá námi og ég hélt. Ég hef haft heilmikið að gera. Búin að vera alla helgina að vinna úr gögnum sem söfnuðust við rannsókn sem við nemarnir gerðum í Nám og kennsla á netinu. Þetta er liður í námskeiði sem heitir Vettvangsnám. Það verður hluti af því námskeiði að fara til Spánar á ráðstefnu um tölvutækni í menntun. Ekki ónýtt að fá einingar fyrir að leggjast á flakk til Spánar. Svo byrjaði námskeiðið Miðlun, menntun og samfélag í dag. Ég fór nú reyndar á smá bömmer yfir því, það lítur nefnilega út fyrir að því námskeiðinu eigi að ljúka strax í júní. Ég sem hélt að maður hefði skilafrest þar til í ágúst og byrjaði að vinna allan daginn núna í maí í skiptum fyrir ágúst. Ég verð víst að vera dugleg að nýta helgarnar til þess að læra. Kannski er betra að vera búin að þessu áður en maður byrjar í sumarfríi í júlí. Námskeið sem ég ætla á og heitir Fjarnám og kennsla hefst ekki fyrr en síðar í maí og stendur lengur yfir.
Ég byrjaði aftur fyrir alvöru að hreyfa mig, ákvað að skrá mig á lokað námskeið til þess að ég neiddist til þess að fara að minnsta kosti þrisvar í viku í íþróttir. Ég er búin að vera alveg skelfilega ódugleg í íþróttum frá því um áramót. Núna verður þar breyting á. Ný forgangsröðun.

6. maí 2005

Óvissuferð

Nú bloggar maður ekki mikið um nám, enda búið og gert í bili. Reyndar ætla ég að taka að mér verkefni um helgina fyrir Sólveigu. Það þarf að vinna úr niðurstöðum sem bekkjarfélagarnir söfnuðu í mars/apríl á netnotkun barna og unglinga.
Það sem ég ætlaði að skrifa um er frábær óvissuferð sem ég fór í s.l. miðvikudagskvöld. Ég vissi auðvitað ekkert frekar en hinir hvert ferðinni var heitið, en það var farið með okkur á Draugasetrið á Stokkseyri. Mikið rosalega var gaman, ég mæli hiklaust með því að fólk komi þar við og gleymi sér í heimi drauga um stund. Frábær hugmynd að breyta svona gömlu frystihúsi, sem ekkert not var fyrir í þessa líka skemmtilegu afþreyingu. Svo var farið með okkur á veitingahúsið Við fjöruborðið. Ég hef reyndar komið þangað áður og alltaf er humarinn jafn góður og staðurinn sjarmerandi. Það voru allir mættir fyrir utan eina sem veiktist og komst ekki með. Það er auðvitað alveg frábært að skemmta sér svona með vinnufélögum og ekki verra þegar svona vel tekst til.

30. apríl 2005

Verkefnaskil

Í dag er 31.apríl og skiladagur verkefna á námskeiðinu Nám og kennsla á netinu. Ég er búin að eyða einhverjum helling af tíma, þolinmæði og þrautsegju í námið núna á vorönn. Afraksturinn er heimasíða sem ég er ánægð með. Til þess að auðvelda Salvöru kennara yfirferð gerði ég yfirlitssíðu þar sem ég velti vöngum yfir hverjum þætti námskeiðsins. Einnig ákvað ég að gera verkefnasíðu þar sem hægt er að nálgast öll verkefnin. Þetta er búið að vera alveg frábært námskeið hjá henni Salvöru og hún fær fyrstueinkunn sem kennari. Hún er alveg ótrúlega afkastamikil hvað varðar tölvu-og upplýsingatækni og ekki amalegt að geta fengið að njóta af gnægtarbrunni þekkingar hennar. Samnemendur mínir eru líka búnir að vera frábærir og gott að leita til þeirra eftir aðstoð og móralskum stuðningi. Takk fyrir hjálpina öll sömul!! Vonandi fylgjumst við áfram að í náminu og getum haldið áfram að styðja hvort annað. Spjallið á Skype heldur vonandi áfram, engin ástæða til þess að hætta því þó þessu námskeiði sé lokið.
Ég held að ég komi til með að halda áfram að blogga, hef áform um það. Ég á vini og ættingja sem eru að fylgjast með mér og mínum í gegnum bloggið. Læt þetta duga í bili.

29. apríl 2005

Það er að koma helgi

Hratt líður stund, bara kominn föstudagskvöld. Ég hef ekki verið dugleg að vinna við heimasíðuna þessa vikuna. Fór samt upp í skóla á þriðjudag og fékk hjálp hjá Salvöru til þess að komast inn í Moodle. Það gekk ágætlega og bjó ég til leikjanámskeið, bara svona til þess að prufa kerfið. Mér líst bara alveg ágætlega á þetta og sé nokkra möguleika í notkun þessa kerfis. Þetta gæti t.d. hentað vel faghópum eins og ég er í, hægt er að hafa opið málþing, ráðstefnu eða umræðu á svona vef. Ég er alltaf að fá jákvæð viðbrögð vegna kennsluvefsins, margir leikskólakennara sem hafa haft gagn af honum. Til þess var leikurinn gerður og er það alveg frábært ef hann kemur að gagni.
Ég hef nokkuð orðið vör við að þegar kemur að tölvulausnum eða starfænum hlutum að fólk er oft nokkuð latt við að leita sér upplýsinga og vill helst láta gera fyrir sig frekar en að lesa sér til um hlutina. Vinkona mín fékk gefins stafrænann hitamælir frá Landsbankanum sem er með klukku og vekjara. Í hálft ár hefur "dótið" að hennar sögn hringt kl.20 á hverju kvöldi og hún bara slökt. Af hverju ertu ekki búin að taka hringinguna af? spurði ég eins og bjáni. Bara, ég kann ekkert á svona dót. Fylgdu ekki leiðbeiningar spurði ég. Æiii það eru einhversstaðar leiðbeiningar, en ég hef ekki nennt að kynna mér þær. Svona svör fær maður nokkuð oft og alveg ótrúleg seigla að nenna að hlaupa til og slökkva í hálft ár á hverjum degi. Svona var þetta líka einu sinni fyrir langa löngu hjá foreldrum mínum, örbylgjuofninn hringdi alltaf á ákveðnum tíma og ekki nenntu þau að lesa bæklinginn til þess að slökkva á þessu. Svona lagað verður oft til eftir að rafmagnið hefur verið tekið af tímabundið. Þá ruglast tækin og fólk lætur vera að laga styllingar, telur sig ekki kunna það eða vill að einhver annar geri það.
Jæja þetta var nú bara svona pæling. Ég ætla að vera dugleg um helgina og klára námskeiðið um helgina. Svo hef ég það bara gott í maí, það er að segja svona að mestu. Er reyndar að byrja aftur að vinna 100% vinnu í leikskólunum, það verða viðbrygði.